Rawe-rawe Rantas, Malang-malang Putung

 Rawe-Rawe Rantas Malang-Malang Putung

 

Rawe inggih menika salah satunggaling tanduran ingkang nggegateli. Saengga tanduran wau kedah ditumpas lan dirantasi. Rawe ugi saget minangka simbol tiyang ingkang remen damel tatunipun tiyang sanes. Sahingga senadyan kuat lan sekti, tiyang menika wau kedah dipun waneni lan dipun hukum manut aturan ingkang wonten. Rawe-rawe rantas malang-malang putung nggadhahi teges sedanten ingkang ngalang-ngalangi kedah dipunsingkiraken. Kita kedah berjuang anggenipun nggayuh ingkang kita idhamaken. Menapa kemawon ingkang ngalang-ngalangi kedah kita singkiraken supaya kepengenan kita kadadosan. Sejatinipun paribasan menika dingge semangat nindakaken kabecikan, ananging sakmenika kathah kang nyalahgunakaken paribasan menika  kanggge tumindak ala.

Tuladha positif saking paribasan rawe-rawe rantas malang-malang putung yaiku:

1.      Kisah Ami Andriani, putra saking buruh bangunan ingkang berprestasi. Lulus saking SMA Ami pengen banget saget nerusaken kuliah. Ami mangertosi keadaan bilih Ami saking keluarga kurang mampu, ananging Ami mboten patah semangat. Ami ndaftar kuliah kanthi beasiswa Bidikmisi lan dipuntampi ing Program Studi Statistika Universitas Padjajaran. Ami mboten nganggep kekurangan ekonomi wau dados alangan anggenipun ngraih ingkang dipunimpikaken. Ami asring ndherek olimpiade olimpiade statistika tingkat nasional lan asring pikanthuk kejuaraan.  Awit semangat lan kerja kerasipun, Ami lulus kuliah kurang saking 4 tahun kanthi IPK 3,92.  

 

2.      Para murid SD Inpres 657 Kabupaten Bone, saben dintenipun kedah naruhaken nyawa nglewati jembatan ingkang sampun risak setebih 30 m wonten ing ingggil lepen Hulo.  Ananging, kanthi semangat lan raos kendhel, para murid tetep nglewati jembatan wau. Para murid mboten nganggep jembatan risak ingkang mbebayani wau dados alangan anggenipun sinau ing sekolah..

Tuladha negatif saking paribasan rawe-rawe rantas malang-malang putung yaiku

Kasusipun Taat Pribadi ingkang dipunpercaya nggadahi  kemampuan penggandaaan arta sahingga kathah ingang meguru ing padhepokanipun. Ananging saya suwe wonten ingkang sadar menawi dipunapusi dening Taat Pribadi, banjur piyambakipun badhe lapor dhateng Polisi. Pendherekipun Taat Pribadi mangertosi lan lapor dhumateng Taat. Taat mboten purun dilaporaken dhateng Polisi banjur ngutus pendherekipun mejahi ingkang badhe lapor Polisi wau amargi tiyang punika ngalang-ngalangi praktek penipuanipun lan kedah dipunrantasi.

Ingkang saget dipunteladani saking paribasan rawe-rawe rantas malang-malang putung inggih  menika :

1.      Semangat

Kita kedah semangat lan mboten sambat kangge ngraih ingkang kita idham-idhamaken. Kanthi semangat sedaya alangan gampil dipunsingkiraken.

2.      Kerja keras

Kita kedah kerja keras supaya menapa ingkang kita idham-idhamaken saget kadadosan. Amargi mboten  sedaya idhaman gampil anggenipun nggayuh saengga mbetahaken kerja keras.

3.      Kendhel

Kangge ngraih ingkang kita idhamaken kita kudu kendel. Amargi mesthi wonten kemawon alangan ingkang kedah kita lawan lan kita kedah kendel anggenipun ngadepi.  

.