Crita Wayang Bharatayudha Duryudana Gugur

KD :- Memahami, menanggapi seni pertunjukan Jawa

       - Menceritakan, menanggapi seni pertunjukan Jawa

Crita Wayang Bharatayudha Duryudana Gugur

A.  Ringkesan crita wayang

Sakwise sedane Prabu Salya dening Yudhistira, prajurit Ngastina kecalan pengarep perang. Duryudana ajrih lajeng mlajar dhateng wana. Kubu kurawa sakmenika tanpa pmpinan lan wangsul dhateng perkemahan. Pinten-pinten dinten mboten wonten kegiatan saking kubu Ngastina kangge nglajengaken peperangan, sakdangunipun kubu Pandhawa siaga kaliyan prajuritipun, Bima mimpin prajurit penggempur, Arjuna ing sebelah tengen lan Nakula Sadewa wonten ing sisih kiwa. Sak sampunipun setunggal minggu, kathah raja an adipati panyengkuyung Ngastina wangsul dhateng asalipun, sakperangan prajurit Ngastina pasrah dhateng Pandhawa.

Kanthi nyerahipun prajurit Ngastina, dipun mangertosi bilih Duryudana sampun mlajar dhateng wana setunggal minggu. Bathara Kresna pirsa sakmenika wancinipun kangge mungkasi Bharatayudha. Pandhawa kaliyan Bathara Kresna lajeng ndumugeni perkemahanNgastina. Ketingal bilih prajurit-prajurit Ngastina sampun mboten gadhah niat perang, Bathara Kresna manggihaken Duryudana nembe kungkum wonten tlaga ing wana. Nalika didangu kaliyan kresna, Duryudana bingung amargi menggalihaken sedherek-sedherekipun ingkang gugur. Kresna lajeng tanglet menapa ingkang badhe dipun lampahaken dening Duryudana. Duryudana badhe nyerahaken tahta Ngastina dhateng Yudistira, ananging Yudhistira ingkang adil mboten kepingin Ngastina. Ingkang dipun suwun namung Indrapasta. Duryudana dipun aturi milih salah setunggaling saking Pandhawa kangge musuhipun, menawi Duryudana menang Duryudana tetep dados penguasa ing Ngatina. Menawi Pandhawa ingkang menang, Pandhawa tetep ing Indrapasta. Sak sampunipun ngendika menika wau, Pandhawa kaliyan Kresna ninggalaken Duryudana.

 Duryudana lajeng mikiraken sinten ingkang dados musuhipun. Enjangipun, Pandhawa sampun siap wonten Kuruseta komplit kaliyan senjatanipun, kejabi Yudhistira ingkang mboten mbeta senjata ananging kendel-kendel mawon. Lajeng Duryudana ngasta senjata gadanipun. Ingkang dados penengahipun Prabu Baladewa, lajeng Prabu Baladewa tanglet dhateng Duryudana sinten ingkang dados musuhipun. Lajeng Duryudana milih Bima ingkang paling kathah mejahi sedherek-sedherek kurawa. Bima ingkang ugi kepingi nglawan Duryudana. Baladewa nyaosi aturan bilih peperangan menika antawis kalih ksatriya lan mboten angsal wonten pihak ketiganipun.

Duryudana ingkang biasanipun pengecut, wekdal menika kanthi estu-estu amargi gadhah karep dados raja ing Ngastina. Ananging Bima ketingal luwih unggul, mahkota Duryudana sampun sirna kenginggadanipun Bima lajeng Durydana kepental. Ananging Duryudana saget wungu malih amargi wekdal alit Duryudana dipun adusi toya suci saengga Durydana dados sakti. Anangig kagungan kekirangan, wekdal dipun adusi toya suci suku kiwanipun mboten kenging toya suci. Amargi Bima mangertosi kelemahanipu Duryudana ingkang dipun paringi panertosan saking Arjuna, Bima lajeng medalaken aji Bayubraja lajeng dipun gadakaken tumuju suku kiwanipun Duryudana. Duryudana lajeng sambat ngayawara. Bima lajeng ngendeli peperangan amargi Duryudana smpun mboen kagungan daya, ananging Duryudana nyuwun dipejahi. Ananging Bima ingkang kagungan watak ksatriya mboten kersa merjaya tiyang ingkang sampun mboten kangungan daya. Kresna lajeng paring pangertosan dhateng Bima, bilih Bima kedah mejahi Duryudana, amargi menawi gesang, Duryudana dados piyantun cacat ingkang sampun mboten guna malih. Bima lajeng nyelaki Duryudana lajeng ngayunaken gadanipun dhateng mustakanipun  Duryudana. Duryudana dumugi pralaya (seda). Baladwa lajeng mungkasi peperangan lan kemenangan dhateng Bima. Lan akhiripun Bharatayuda dipun menangaken Pandhawa.   

B. Perange lan sifat

Duryudana : kendhel, sekti

Kresna : pinter, adil

Bima : pinter, ksatriya

Yudhistira : sabar, pinter, adil, bijaksana

Baladewa : jujur, adil

C.Budi pekerti

1.    Nyimpen dendam iku ora apik.

2.    Manungsa kudu duweni sikap sabar.

3.    Manungsa kudu duweni sikap adil.

4.    Kudu mbela kebeneran.

5.    Manungsa kudu nduweni sikap bijaksana.

6.    Pantang menyerah.

7.    Manungsa kudu kendel anggone ngadekake kebeneran.

8.    Manungsa ora oleh serakah.

9.    Manungsa kudu nduweni sikap jujur.

10. Manungsa kudu nduweni sikap ksatriya.

11.  

D.Penerapan piwulang ing jaman sakiki

Manungsa kudu nduweni sikap ksatriya, sabar, adil, jujur, bijaksana lan kendel anggone ngadepi kebeneran supaya ora keblinger, lan uga manungsa ora oleh nyimpen dendam lan ora oleh serakah.

E. Cara nglestarekaken

Wayang dipun sisipi hiburan menarik  lan dipun kemas kanthi  menarik supados mboten mboseni ingkang ningail lan nambah daya tarik. Saya dipun giataken anggenipun ngenalaken lan ngemutaken malih wayang dhumateng tiyang enem supados wayang tansah dipun remeni.

F. Hambatan

Wonten ing jaman sakmenika wayang sampun mboten dipun remeni kaliyan tiyang enem amargi anggepanipun wayang menika mboseni lan mboten wonten guna nipun. Menapa malih ing jaman sakmenika sampun wonten telepon pintar ingkang saget mbiyus lan ndadosaken ketergantungan.